ⵉⵙⵖⵍⴰⴼ ⵏⵏⵖ
ⴳ ⵉⴳⵔ ⵏ ⵜⵎⵥⵍⴰⵢⵜ ⵏⵏⵙ, ⵉⵙⵎⴰⴳⵍ ⵓⵎⴰⵡⴰⵙ ⵏ ⵓⵥⵕⴼ ⵅⴼ ⵜⵖⴰⵡⵙⵉⵡⵉⵏ ⵜⵉⵥⵕⴼⴰⵏⵉⵏ ⴷ ⵜⵉⴷⵔⵉⵎⵉⵏ, ⴳ ⵓⴷⴼⵏⵜ ⵜⵙⵔⵜⵉⵢⵉⵏ ⵏ ⵉⵎⵔⵡⴰⵙⵏ ⵉⵥⵓⵕⵉⴼⵏ ⵏ ⴱⵕⵕⴰ.
ⵙ ⵎⴰⵏⴰⵢⴰ, ⴰⵔ ⵉⵜⵜⵉⵡⵣ ⵓⵎⴰⵡⴰⵙ ⵅⴼ ⵓⵙⵓⴷⵍ ⴰⵥⵓⵕⵉⴼ ⵏ ⵜⵎⵙⵙⵏⵜⵉⵏ ⴷ ⵜⵡⵉⵍⴰⵡⵉⵏ ⵜⵉⴳⴷⵓⴷⴰⵏ ⵏⵖⴷⴷ ⵙ ⵓⵎⴷⵔⵓ ⴰⵡⵏⴽⴰⵏ ⴷ, ⴳ ⵎⴰⵕⵕⴰ ⴷ ⵢⵓⵙⴰⵏ, ⵙ ⵜⵡⵉⵣⵉ ⵢⴰⵜⵜⵓⵢⵏ ⴳ ⵓⵎⵎⵓⵜⵜⵉ ⵏⵏⵙⵏⵜ ⵙ ⵓⵛⴱⴰⴱⴱⵓ ⵉⵥⵍⵉⵏ, ⴳ ⵉⴳⵔⴰⵏ ⵉⵙⵍⴳⴰⵏ ⴷ ⵉⵍⴳⴰⵏⵏ ⴳ ⵍⵉⵎⵓⵔⴰⵜ ⵏ ⵓⵥⵍⵉ.
ⵙ ⵓⵙⵙⵓⵖⴷ, ⵉⵙⵖⵍⴼⵏ ⵉⵏⴰⵅⴼⴰⵡⵏ ⵏ ⵓⵛⴱⴰⴱⴱⵓ ⴳⴰⵏ:
ⴳ ⵎⴰ ⵉⵥⵍⵉⵏ ⵙ ⵡⵉⵢⴷⴰ ⴷ ⴹⴹⴰⴱⵉⵟ:
- ⴰⵙⴽⴽⵉⵔ ⵏ ⵡⴰⵍⵓⴳⵏ ⵏ ⵓⵥⵕⴼ ⴷ ⵓⴹⴼⵕ ⵏⵏⵙ ⴷ ⵓⵙⵙⴼⵜⵓ ⵏⵏⵙ ⵉⵣⴳⴰⵏ;
- ⴰⵙⵏⵎⵍ, ⴰⵎⵙⵉⵡⵍ ⴷ ⵓⵙⴽⴽⵉⵔ ⵏ ⵜⵙⵔⵜⵉⵜⵉⵏ ⵏ ⴹⴹⴰⴱⵉⵟ ⴷ ⴷⴷⵉⵡⴰⵏⴰ ⴷ ⵓⴹⴼⵕ ⵏ ⵓⵙⵙⴼⵜⵓ ⵏⵏⵙⵏⵜ ;
- ⴰⵎⵎⴰⵥ ⵏ ⵜⵙⵖⴰⵔⵉⵏ ⵜⵉⴳⴷⵓⴷⴰⵏ;
- ⴰⴼⵓⴽⴽⵓ ⵏ ⵉⵎⵏⴷⵓⵜⵏ ⵉⴳⴷⵓⴷⴰⵏ.
. ⴳ ⵎⴰ ⵉⵥⵍⵉⵏ ⵙ ⵓⵥⵕⴼ :
- ⴰⵙⴽⴽⵉⵔ ⵏ ⵜⴼⵉⴷⴰ ⵏ ⵉⵎⴳⴰⴷⴷⴰⴷⵜⵏ ⵏ ⵓⵥⵕⴼ ⵏ ⵓⴳⵯⵏⵙ ⴷ ⵡⵉⵏ ⴱⵕⵕⴰ ⴷ ⵓⵙⴽⴽⵉⵔ ⵏ ⵜⵖⴰⵔⴰⵙⵉⵏ ⴷ ⵉⵙⵖⴰⵍⵏ ⴷ ⵢⵓⵙⴰⵏ ⵉ ⵉⴳⴳⵉⵜⵏ ⵡⴰⵍⵓⴳⵏ ⵏ ⵓⵥⵕⴼ ⴷ ⵓⴹⴼⵕ ⵏⵏⵙ ⴷ ⵓⵙⵙⴼⵜⵓ ⵏⵏⵙ ⵉⵣⴳⴰⵏ;
- ⵉⵙⴷⵍⴰⵏ ⵉⵍⴳⴰⵏⵏ ⴷ ⵉⵜⵉⵇⵏⵉⵢⵏ ⵏ ⵜⵡⵉⵍⴰⵡⵉⵏ ⴷ ⵉⵎⵣⴷⴰⵢⵏ ⵏ ⵓⵥⵕⴼ;
- ⵜⵉⵎⵣⵣⴰ ⵏ ⵍⵎⴰⵖⵔⵉⴱ ⴳ ⵜⵡⵉⵍⴰⵡⵉⵏ ⵏ ⵓⵥⵕⴼ ⵏ ⵜⵙⴳⵉⵡⵉⵏ ⴷ ⵓⵎⴰⴹⴰⵍ.
ⴳ ⵎⴰ ⵉⵥⵍⵉⵏ ⵙ ⵜⵉⴹⴰⴼ
- ⵜⵉⴹⴰⴼ ⵏ ⵜⵙⵖⴰⵔⵉⵏ ⵜⵉⴳⴷⵓⴷⴰⵏ;
- ⵜⵉⴹⴰⴼ ⵜⵓⵥⵕⵉⴼⵉⵏ ⵏ ⵜⵎⵙⵙⵏⵜⵉⵏ ⴷ ⵜⵡⵉⵍⴰⵡⵉⵏ ⵜⵉⴳⴷⵓⴷⴰⵏ ⴷ, ⵙ ⵎⴰ ⵢⵓⵎⴰⵏ ⴽⵓ ⵢⴰⵏ ⵉⵜⵜⴰⵎⵥⵏ ⵜⵉⵡⵉⵣⵉ ⵜⵓⵥⵕⵉⴼⵜ ⵣⵉ ⵓⵡⵏⴽ ⵏⵖⴷⴷ ⵣⵉ ⵡⴰⵢⵢⴰⵡⵏ ⵏⵏⵙ;
- ⵜⵉⴹⴰⴼ ⵜⵓⵥⵕⵉⴼⵉⵏ ⵏ ⵜⴰⵢⵎⵓⵏⵉⵏ ⵜⵉⵏⴽⴰⵍⵉⵏ;
- ⵉⵍⴳⴰⵏ ⴷ ⵜⵉⴹⴰⴼ ⵏ ⵜⵉⵍⴰⵍ ⵏ ⵜⵎⴷⵔⴰⵡⵉⵏ ⵏ ⵓⵙⴷⵍ ⴷ ⵡⴰⵍⵍⴰⵙ ⵏ ⵓⵙⴷⵍ.
ⴳ ⵎⴰ ⵉⵥⵍⵉⵏ ⵉ ⵡⵍⵍⴰⵙ ⵏ ⵓⵙⴽⵓ :
- ⴰⵙⵓⴼⵖ ⵏ ⵓⵣⵔⵓ ⵏ ⵜⵎⵙⵙⵏⵜⵉⵏ ⴷ ⵜⵡⵉⵍⴰⵡⵉⵏ ⵜⵉⴳⴷⵓⴷⴰⵏ, ⵙⵍⵡⴰⵏ ⴰⴽⴽⵯ ⴳ ⵡⴰⵍⵍⴰⵙ ⵏ ⵓⵙⴽⵓ ⵏⵏⵙⵏⵜ ⴷ ⵜⵏⴰⵎⵓⵔⵜ ⵏⵏⵙⵜ ⵉⴳ ⵜⵍⵍⴰ;
- ⴰⵙⵏⵎⴰⵍⴰ ⵏ ⵜⵍⴳⴰⵎⵜ ⵏ ⵜⵡⴰⵍⴰⵜⵉⵏ ⵉⵜⵡⴰⵢⵣⵣⵔⵉⵏ ⵏⵖⴷⴷ ⴰ ⵉⵜⵜⵡⴰⵢⵥⵍⵉⵏ ⴳ ⵉⴳⵔ ⵏ ⵉⵍⴳⴰⵏ ⵏ ⵓⵥⵕⴼ;
- ⴰⵙⴽⴽⵉⵔ ⵏ ⵉⵙⴷⴰⵡⵏ ⵏ ⵓⵙⴱⴷⴷ ⴷ ⵓⵥⵍⵉ ⵉⵣⴷⵉⵏ ⴷ ⵉⵏⵏⴰⵢⵏ ⵉⵏⵏⵓⵕⵥⵓⵎⵏ ⵅⴼ ⵓⵎⵛⴰⵡⴰⵕ;
- ⵜⵉⵡⵉⵣⵉ ⵢⵓⵖⴷⵏ ⴳ ⵓⵙⵎⵓⵜⴳ ⵏ ⵜⵎⵖⵓⵏⵉⵏ ⵏ ⵉⵖⴰⵡⴰⵙⵏ ⵏ ⵜⴰⴱⴱⵉⵜ ⴷ ⵜⵡⴰⵍⵉⵡⵉⵏ ⵜⵉⴳⴷⵓⴷⴰⵏ ⴷ ⵓⵙⵙⴼⵜⵓ ⵏⵏⵙⵜ ⴷ ⵢⵓⵙⴰⵏ.
ⵙ ⵓⵎⴰⴼⴰⵢ, ⵉⵙⵎⴰⴳⵍ ⵓⵎⴰⵡⵙ ⴰⴷ :
- ⵉⵃⵉⵢⵉⵍ ⵜⵉⵎⵙⴽⴰⵔⵉⵏ ⵉⵡⴰⵍⴰⵏ ⴰⵢⴷⴰ ⵉⵜⵜⵎⴰⵜⵜⴰⵢⵏ ⴷ ⵡⴰⴷ ⵉⵣⴳⴰⵏ ⵏ ⵓⵡⵏⴽ;
- ⵢⵉⵡⵣ ⵅⴼ ⵜⵏⵄⵔⴰ ⵏ ⵜⵎⵏⵀⴰⵍ ⵜⵉⴳⴷⵓⴷⴰⵏ ⴳ ⵜⵣⵔⴼⵜ, ⵣⵉ ⵜⵙⵏⵔⴰⵢⵜ ⵜⴰⵣⵔⴼⴰⵏⵜ ⵏ ⵜⴳⵍⴷⵉⵜ.
